Jarmošyna: Daterminovaje hałasavańnie admianiać nie buduć
Biełaruś zaraz nie maje namieru admaŭlacca ad daterminovaha hałasavańnia na vybarach. Ab hetym paviedamiła staršynia Centralnaj kamisii Respubliki Biełaruś pa vybarach i praviadzieńni respublikanskich refierendumaŭ Lidzija Jarmošyna ŭ čas
«Daterminovaje hałasavańnie — heta zručna, nam treba pašyrać mahčymaści ludziej ŭdzielničać u vybarach, a nie skaračać ich»,— skazała Lidzija Jarmošyna, adkazvajučy na pytańnie ab metazhodnaści praviadzieńnia daterminovaha hałasavańnia i mahčymaści jaho admieny ŭ budučyni.
Na dumku kiraŭnika CVK, u pierśpiektyvie moža źmianicca forma praviadzieńnia daterminovaha hałasavańnia. «Mahčyma, z dapamohaj infarmacyjnych sistem daterminovaje hałasavańnie nabudzie inšyja formy.
Naprykład, my zmožam pravieści hałasavańnie z dapamohaj Internetu, elektronnaj pošty.Pry hetym budzie zabiaśpiečana sapraŭdnaść i tajamnica volevyjaŭleńnia hramadzianina. Važna zabiaśpiečyć identyfikacyju vybarščyka, kab nichto nie moh prahałasavać zamiest jaho», — raspaviała Lidzija Jarmošyna.