Romni aburyŭsia tym, što iluminatary ŭ samalotach nie adčyniajucca
Kandydat u prezidenty ZŠA ad Respublikanskaj partyi Mit Romni na sustrečy z patencyjnymi sponsarami aburyŭsia tym, što pasažyry nie mohuć adkryć «vokny» ŭ samalocie.
Jak tłumačyć The Telegraph, Romni kazaŭ pra vymušanuju avaryjnuju pasadku samalota, u jakim znachodziłasia jaho žonka, 22 vieraśnia.
Kandydat u prezidenty razvažaŭ pra toje, što jaho žoncy było b našmat lahčej pieražyć stres, kali b iluminatary ŭ samalocie adkryvalisia i jana mahła dychać śviežym pavietram padčas pažaru.
«Kali ŭ samalocie pažar i vam niama kudy iści, vy nie možacie dychać, bo iluminatary nie adčyniajucca, i pavietra zvonku nie moža trapić u sałon. Ja nie razumieju, čamu jany nie adčyniajucca.Heta realnaja prablema. I heta vielmi niebiaśpiečna. Jana zadychałasia, pracirała vočy. Na ščaście, kisłarodu było dastatkova dla piłota i druhoha piłota, kab ździejśnić biaśpiečnuju pasadku ŭ Denviery. Ale ciapier jana ŭ paradku», — skazaŭ Romni.
Samalot z En Romni ździejśniŭ ekstranuju pasadku ŭ Denviery dniom u piatnicu. U sałonie samalota adbyłosia ŭzharańnie. Imavierna, pryčynaj stała karotkaje zamykańnie.