Staŭka refinansavańnia na kaniec 2013 hoda prahnazujecca 13-15%

Staŭka refinansavańnia ŭ Biełarusi na kaniec 2013 hoda prahnazujecca na ŭzroŭni 13–15% hadavych (pry roście spažyvieckich cen na 12%). Takija paramietry zakładzieny ŭ Asnoŭnych napramkach hrašova-kredytnaj palityki Biełarusi na 2013 hod, zaćvierdžanych 25 vieraśnia ŭkazam Łukašenki № 419.

Ukazam ustanoŭleny kankretnyja mety hrašova-kredytnaj palityki, paramietry raźvićcia bankaŭskaha siektara krainy na 2013 hod, vyznačana palityka kursaŭtvareńnia — abmienny kurs biełaruskaha rubla budzie farmiravacca na asnovie popytu i prapanavańnia zamiežnaj valuty.

Prahnazujecca, što patrabavańni bankaŭ da ekanomiki ŭzrastuć na 17–20% i składuć 45–46% da vałavoha ŭnutranaha praduktu.

Praduhledžvajecca, što ŭ 2013 hodzie buduć realizoŭvacca miery pa intehracyi bankaŭskich sistem Biełarusi i Rasii, krain Jeŭrazijskaha ekanamičnaha supolnictva i inšych dziaržaŭ — udzielnic SND, pravodzicca rabota pa pytańniach, źviazanych z funkcyjanavańniem Mytnaha sajuza i Adzinaj ekanamičnaj prastory, a taksama ažyćciaŭlacca ŭzajemadziejańnie Nacyjanalnaha banka i bankaŭskaha siektara Biełarusi ź Mižnarodnym valutnym fondam, Suśvietnym bankam, Mižnarodnaj finansavaj karparacyjaj, Jeŭrapiejskim bankam rekanstrukcyi i raźvićcia, Antykryzisnym fondam Jeŭrazijskaha ekanamičnaha supolnictva, zamiežnymi centralnymi (nacyjanalnymi).

Kamientary da artykuła