Pad Pskovam vučeńni rasijskich i biełaruskich desantnikaŭ. Zahinuŭ rasijski pałkoŭnik

U miežach biełaruska-rasijskaha vajennaha supracoŭnictva 25 vieraśnia na bazie vučebna-trenirovačnaha kompleksu «Struhi Čyrvonyja» ŭ Pskoŭskaj vobłaści pačalisia sumiesnyja bataljonnyja taktyčnyja vučeńni z bajavoj stralboj uzbrojenych sił Biełarusi i Rasii.

Jak paviedamlaje BiełaPAN sa spasyłkaj na pres-słužbu Ministerstva abarony Biełarusi, u vučeńniach biaruć udzieł vajennasłužačyja 383-ha aeramabilnaha bataljona 38-j hvardziejskaj asobnaj mabilnaj bryhady (Brest) sił śpiecyjalnych apieracyj Biełarusi i vajennasłužačyja 234-hadesantna-šturmavoha pałka 76-jdesantna-šturmavoj dyvizii (Pskoŭ).

«Padčas vučeńniaŭ vajennasłužačyja abmianiajucca vopytam u mietodycy padrychtoŭki i praviadzieńnia sumiesnych taktyčnych mierapryjemstvaŭ. Biełaruskija i rasijskija aficery taksama atrymajuć vopyt kiravańnia padraździaleńniami, a desantniki — vopyt sumiesnaha vykanańnia vučebna-bajavych zadač».

Delfi paviedamlaje, što dniom raniej, 24 vieraśnia, padčas vučeńniaŭ na palihonie «Struhi Čyrvonyja» zahinuŭ kamandzir pałka 76-jdesantna-šturmavoj dyvizii Rasii pałkoŭnik Raman Iljasaŭ.

Pa niavyśvietlenych na dadzieny momant pryčynach, dreva ŭpała na ciahač, u jakim jechaŭ pałkoŭnik. Niaznačnuju traŭmu taksama atrymaŭ kamandzir batarei.

Raniej kazałasia, što padčas vučeńniaŭ płanavałasia imitavać zavał darohi šlacham padryvu drevaŭ uzdoŭž jaje. Broniemašyna, u kuzavie jakoj znachodziŭsia Iljasaŭ, svoječasova nie spyniłasia, i adno z drevaŭ ŭpała prosta na jaje.

Kamientary da artykuła