Nasielnictva pamienšała na 6,2 tysiačy ad pačatku hoda
U krainie žyvie 9 młn. 459 tys. čałaviek.
Pavodle apieratyŭnych źviestak, kolkaść nasielnictva Biełarusi na 1 vieraśnia hetaha hoda skłała 9 młn. 459 tys. čałaviek. Ab hetym paviedamiła pres-sakratar Nacyjanalnaha statystyčnaha kamiteta Alena Kandracienka.
U paraŭnańni z 1 studzienia 2012 hoda žycharoŭ krainy stała mienš na 6,2 tys. čałaviek.
Kolkaść žycharoŭ za vosiem miesiacaŭ hetaha hoda pavialičyłasia tolki ŭ Minsku - z 1 młn. 885,1 tys. čałaviek na 1 studzienia 2012 hoda da 1 młn. 888,9 tys. na 1 vieraśnia biahučaha hoda.U astatnich rehijonach respubliki kolkaść žycharoŭ za studzień-žnivień źmienšyłasia. U vyniku na 1 vieraśnia hetaha hoda ŭ Homielskaj vobłaści naličvałasia 1 młn. 428,6 tys. čałaviek, u Minskaj - 1 młn. 403,1 tys., u Bresckaj - 1 młn. 391,4 tys., u Viciebskaj - 1 młn. . 209,8 tys., u Mahiloŭskaj - 1 młn. 77,3 tys., u Hrodzienskaj - 1 młn. 59,9 tys. čałaviek.
Pavodle apieratyŭnych źviestak,
u Biełarusi ŭ studzieni-žniŭni hetaha hoda naradzilisia 75 tys. 411 dziaciej - na 4 tys. 126 dziaciej bolš u paraŭnańni sa studzieniem-žniŭniem 2011 hoda.Ahulny kaeficyjent naradžalnaści za studzień-žnivień u cełym pa respublicy skłaŭ 12 na 1000 žycharoŭ (u studzieni-žniŭni 2011-ha - 11,3 pramile). Siarod rehijonaŭ krainy samy vysoki hety pakazčyk byŭ u Bresckaj vobłaści (12,8 pramile), a samy nizki - u Viciebskaj vobłaści (10,5 pramile).
Za vosiem miesiacaŭ 2012 pamierła 84 tys. 231 čałaviek - na 7 tys. 56 čałaviek mienš u paraŭnańni z adpaviednym pieryjadam minułaha hoda.Ahulny kaeficyjent śmiarotnaści za studzień-žnivień u cełym pa respublicy skłaŭ 13,4 na 1000 žycharoŭ (u studzieni-žniŭni 2011-ha - 14,5 pramile). Siarod rehijonaŭ krainy samy vysoki hety pakazčyk byŭ u Viciebskaj vobłaści (15,5 pramile), a samy nizki - u Minsku (9,3 pramile).
Naturalnaje źmianšeńnie nasielnictva skłała 8 tys. 820 čałaviek.
Mihracyjny pryrost u studzieni-žniŭni 2012 hoda ŭ paraŭnańni z anałahičnym pieryjadam 2011 hoda źniziŭsia na 61,4% i skłaŭ 2 tys. 629 čałaviek. Dadatnaje salda mihracyi źmienšyła naturalnaje źmianšeńnie nasielnictva na 29,8% (za studzień-žnivień 2011-ha - na 34,1%).