U Baranavičach studenta zasypała piaskom na budoŭli — kliničnaja śmierć
Chłopiec pracavaŭ na abjekcie biez afarmleńnia pracoŭnych adnosin.
Trahiedyja na terytoryi horskaha parku ŭ Baranavičach adbyłasia ŭčora, 25 vieraśnia.
Jak paviedamlajuć miascovyja ŚMI, na budplacoŭcy punkta hramadskaha charčavańnia pravodzilisia ziemlanyja raboty pa prakładcy advodu kanalizacyjnych trub. Kala 12.40 u jamie raptam abrynuŭsia piasok.
Adnaho z rabočych zasypała piaskom pa hałavu, chłopiec nie moh dychać.Rabočyja, jakija znachodzilisia na placoŭcy, vysłabanili chłopca z hrudy piasku i vyklikali chutkuju.
Paciarpieŭ18-hadovy student treciaha kursu Baranavickaha dziaržaŭnaha prafiesijnaha liceja budaŭnikoŭ.
Kanstancin Turybryn, načalnik Baranavickaj mižrajonnaj inśpiekcyi pa pracy: «25 vieraśnia my vyśvietlili, što
navučeniec liceja byŭ nakiravany ŭ budaŭničuju arhanizacyju dla prachodžańnia praktyki. Razam z adnakurśnikam jon vykonvaŭ pracy pa ramoncie ofisa hetaj arhanizacyi. U hetym ža budynku raźmieščana inšaja budaŭničaja arhanizacyja, kiraŭnictva jakoj i paprasiła chłopcaŭ papracavać na ich abjekcie.Sa słovach druhoha vučnia liceja, jany pahadzilisia papracavać, pakolki ŭ toj arhanizacyi, dzie jany prachodzili praktyku, pracy dla ich nie było.
Niekalki dzion chłopcy pracavali na hetym abjekcie biez afarmleńnia pracoŭnych adnosin.U momant NZ chłopiec spuściŭsia ŭ kanalizacyjnuju jamu dla zamieru jaje hłybini».
Z dyjahnazam miechaničnaja aśfiksija, zakryty pierałom šyjnaha adździeła chrybietnika, kliničnaja śmierć chłopiec dastaŭleny ŭ balnicu.Lekary aceńvajuć jaho stan jak vielmi ciažki. Abstaviny zdareńnia vyśviatlaje Śledčy kamitet.
Nahadajem, letam hetaha hoda adbyŭsia abvał piasku ŭ katłavanie ŭ Chojnickim rajonie. Zahinuli troje dziaciej — chłopčyki 13, 12, i 10 hadoŭ, dvoje ź ich — braty. Dzieci hulali na ŭskrainie vioski, dzie byŭ vykapany vialiki katłavan hłybinioj dva mietry. Piasčanyja kraju abrynulisia, i dziaciej zasypała piaskom.