Siońnia pravasłaŭnyja śviatkujuć Uźvižańnie
27 vieraśnia pravasłaŭnaja carkva adznačaje adno z svaich najbolšych śviataŭ — Uźvižańnie Śviatoha i Žyvatvornaha Kryža Haspodniaha.
Śviatkavańnie Uźvižańnia zapačatkavanaje carkvoj paśla taho, jak rymskaja impieratryca Alena ździejśniła pałomnictva ŭ Jerusalim u pošukach kryža, na jakim byŭ raśpiaty Isus.
Alena nasamreč znajšła kryž, a ŭ 325 hodzie jaje syn impieratar Kanstancin daŭ zahad ustalavać kryž na Hałhofie, kab usie žadajučyja mahli pakłaniacca jamu. U honar hetaha i adznačajecca śviata Ŭźvižańnie, jakoje nazyvajuć jašče Česny Chrest. Adnačasna ŭ hety ž dzień pryznačajecca strohi post dziela ŭspaminu kryžovych pakutaŭ Zbaviciela.
Biełarusy ličać, što ŭ hety dzień u lasach usie źmiei źbirajucca razam, kab adpravicca na zimovy son, tamu 27 vieraśnia ludzi nie ryzykavali chadzić u les.
«Va Ŭźvižańnia paru hadziuki i vužaki chavajucca ŭ naru». Taksama hety dzień ličycca kančatkovym raźvitańnie ź letam. Biełarusy kazali: «Na Ŭźvižańnie chałat ź pleč, a kažuch na plečy».
Kataliki śviatkavali Źvižańnie 14 vieraśnia.