U Minsku prezientavali knihu A.Tamkoviča «Arytmija, albo Kod supracivu»

Na prezientacyju pryjšli amal usie hieroi knihi.

Viała prezientacyju dačka Alaksandra Tamkoviča -- Kaciaryna.

Alaksandr Tamkovič kaža, što budzie praciah.

U halerei sučasnaha mastactva «Ŭ» sabralisia ledź nie ŭsie 38 hierojaŭ novaj knihi viadomaha žurnalista. Aproč ich udzieł u prezientacyi ŭziali viadomyja palityki, hramadskija aktyvisty i kulturnyja dziejačy.

Jak raspavioŭ u časie prezientacyi sam aŭtar, «Arytmiju» možna ličyć praciaham knihi «Asoby» pra biełaruskich palitykaŭ, što vyjšła ŭ 2008 hodzie. Adroźnieńnie ž jaje ŭ tym, što «Arytmija» pryśviečana vyklučna hramadskim aktyvistam, niekatoryja ź jakich da hetaha času znachodziacca za kratami.

Šasnaccataja pa liku kniha žurnalista ŭjaŭlaje saboj infarmacyjna-publicystyčnaje vydańnie. Kniha składajecca z 38 partretnych narysaŭ pra viadomych biełarusaŭ: paetaŭ, myślaroŭ, pravaabaroncaŭ, mastakoŭ… Jak adznačyŭ padčas prezientacyi Tamkovič, «heta sieryja artykułaŭ pabačyła śviet u haziecie „Novy čas“ i raspaviadaje pra jarkich biełaruskich asobaŭ, jakija majuć aktyŭnuju žyćciovuju pazicyju». «Kaniečnie, hodnych ludziej, pra jakija mnie chočacca raspavieści ŭ svaich artykułach, značna bolej. Ja budu i nadalej praciahvać hetuju spravu», — dadaŭ jon.

Alaksandr Tamkovič kaža, što čytača čakaje praciah:

— Dumaju, što kropka nie pastaŭlena, bo vielmi šmat cikavych ludziej jość u biełaruskich rehijonach. Kali Boh daść, to ja z zadavalnieńniem źjezdžu i parazmaŭlaju z takimi ludźmi.

Jak adznačali na prezientacyi hości i hieroi knihi, mienavita takimi tvorami i pišacca siońniašniaja historyja Biełarusi.

Kamientary da artykuła