Rasijski «Pieršy kanał» zakryŭ satyryčnaje šou «Pražektarpieryschiłtan»
Dvoje z čatyroch viadučych źviazanyja strohim kantraktam z kanałam TNT.
Rašeńnie ab zakryćci prahramy vyklikana niemahčymaściu dalejšaha ŭdziełu ŭ pieradačy viadučych Siarhieja Śvietłakova i Haryka Marcirasiana.
«Jašče letam mnie patelefanavaŭ hienieralny dyrektar „Hazprom-miedyja chołdynhu“ Mikałaj Siankievič i paviedamiŭ pra toje, što Siarhiej Śvietłakoŭ i Haryk Marcirasian bolš nie buduć udzielničać u „Pražektarperyschiłtan“, pakolki padpisali novyja kantrakty z kanałam TNT. Ja źviarnuŭsia da jaho z prośbaj u jakaści vyklučeńnia dazvolić ich udzieł tolki ŭ adnym prajekcie „Pieršaha kanała“. Pry najaŭnaści dobraj voli hetyja pytańni na telebačańni lohka vyrašajucca, moj surazmoŭca dobraj voli nie vyjaviŭ», — kaža hiendyrektar «Pieršaha kanała» Kanstancin Ernst.
Telekanał škaduje ab zakryćci prajektu, adnak pryniaŭ rašeńnie nie mianiać skład viadučych.
«Pražektarpieryschiłtan» — televizijnaja infarmacyjna-zabaŭlalnaja prahrama, jakaja vychodziła na «Pieršym kanale» z maja 2008 hoda. Viadučyja prahramy — Ivan Urhant, Siarhiej Śvietłakoŭ, Haryk Marcirasian i Alaksandr Cakała — u studyi ŭ humarystyčnaj formie abmiarkoŭvali aktualnyja temy tydnia, kamientavali hazietnyja artykuły i vykazvańni palitykaŭ, u vypuskach pieradačy ŭ jakaści haściej taksama ŭdzielničali zaprošanyja zorki. Viadučyja prahramy časta vyśmiejvali Alaksandra Łukašenki, ź biełaruskaha efiru pieradaču časam vyrazali.
Čytajcie taksama:
Kamientary da artykuła