U vojska buduć brać jaźvieńnikaŭ i skalijoźnikaŭ. Tłumačeńnie: biełaruskaja miedycyna palepšała

Hetaj vosieńniu dla prachodžańnia terminovaj vajskovaj słužby pryzavuć kala 9 tysiač čałaviek. Jašče kala 2 tysiač chłopcaŭ pojduć na słužbu ŭ reziervie. Pryzyŭ budzie zrobleny z 15 da 30 listapada, a ŭ rezierv — z 22 da 23 listapada.

Cikava, što ŭ «śpis chvarob», jakija vyzvalajuć ad terminovaj vajskovaj słužby, uniesieny źmieny.

U adpaviednaści z sumiesnaj pastanovaj Ministerstva abarony i Ministerstva achovy zdaroŭja Biełarusi ad 1 žniŭnia 2012 № 33/85, ciapier na adterminoŭku nie mohuć raźličvać hipiertoniki i ludzi, jakija pakutujuć na skalijoz 2-j stupieni z vuhłom adchileńnia da 10 hradusaŭ u stanoviščy ležačy. Niama supraćpakazańniaŭ i pa jazvavaj chvaroby, ale tolki ŭ vypadkach, kali niama pierfaracyi i kryvacioku, a abvastreńni zdarajucca nie čaściej za adzin raz u hod i nie patrabujuć praciahłaha lekavańnia.

Čamu było vyrašana pajści na hety krok?

«Pryniać hety dakumient dazvoliła pavyšeńnie mahčymaściaŭ miedycynskich ustanovaŭ pa dyjahnostycy i lekavańni zachvorvańniaŭ», — kažuć u Ministerstvie abarony.

Kamientary da artykuła