Siońnia Pakroŭ u hreka-katalikoŭ: hetaje śviata ŭšanoŭvajuć tolki va ŭschodniesłavianskich ziemlach
1 kastryčnika biełaruskija kataliki vizantyjskaha abradu śviatkujuć Pakroŭ Najśviaciejšaj Baharodzicy.
Kataliki łacinskaha abradu hetaha śviata ŭ svaim kalendary nie majuć. Hreki pierastali jaho śviatkavać u XV stahodździ.Pakroŭ ušanoŭvajuć tolki chryścijanie ŭschodniaj tradycyi i pieravažna va ŭschodniesłavianskich ziemlach.
Da ŭstalavańnia śviata spryčyniłasia źjaŭleńnie ŭ 910 hodzie Baharodzicy śviatomu Andreju dziela Chrysta bažavolnamu va Ułachiernskim chramie Najśviaciejšaj Baharodzicy ŭ Kanstancinopali.Padčas malebna za ŭratavańnie stalicy Vizantyi ad pahanaŭ, jakija abłažyli horad, śviaty Andrej i jahony vučań Epifan ubačyli Dzievu Maryju, jakaja razharnuła nad viernikami biełuju chustku (amafor). Zastupnictva dapamahło — vorahi adstupili.
«Axini nas pačesnym pakrovam Tvaim, axavaj nas ad usiaho błahoha i mali Syna Tvajho, Xrysta Boha našaha, zbavić dušy našy», — prosiać Baharodzicu chryścijanie padčas śviatočnaj liturhii.