U Litvie hrupa nielehałaŭ ź Biełarusi ledź nie patanuła ŭ bałocie
U Śviancianskim rajonie Litvy pamiežniki zatrymali hrupu nielehałaŭ, jakaja niezakonna sprabavała trapić u krainu ź Biełarusi. Heta siamiora vjetnamcaŭ i adzin afhaniec. Ich supravadžaŭ hramadzianin Biełarusi.
U niadzielu ŭviečary supracoŭniki Słužby achovy dziaržaŭnaj miažy Litvy zatrymali hrupu ŭ bałocistaj miascovaści ŭ lesie za kiłamietr ad miažy ź Biełaruśsiu.
Zatrymanyja nie akazali supracivu i nie sprabavali źbiehčy. U hramadzianina Biełarusi byŭ pašpart, jon nie chavaŭ, što z hetymi mihrantami niezakonna pierasiok miažu i sprabavaŭ trapić u Litvu.Hrupa vielmi ryzykavała, bo bałota ŭ hetym miescy vielmi niebiaśpiečnaje.
U suviazi ź niezakonnym pierasiačeńniem miažy raspačata dasudovaje rasśledavańnie. Hramadzianin Biełarusi znachodzicca ŭ SIZA. Astatnija nielehały ŭ paniadziełak paśla abiedu ŭsio jašče znachodzilisia na pamiežnaj zastavie.