Try novyja stancyi minskaha mietrapalitena buduć adkrytyja 7 listapada
Try novyja stancyi minskaha mietrapalitena — «Hrušaŭka», «Michałova» i «Piatroŭščyna» — płanujecca adkryć 7 listapada, paviedamiŭ napres-kanfierencyi ŭ Minsku staršynia Minharvykankama Mikałaj Ładućka.
Jon adznačyŭ vysoki ŭzrovień budaŭničaj hatoŭnaści novaha ŭčastka Maskoŭskaj linii mietro i paviedamiŭ pra toje, što zaraz tam viaducca puskanaładačnyja raboty. Što tyčycca stancyi mietro «Malinaŭka», jaje praduhledžvajecca zdać u ekspłuatacyju ŭ 2013 hodzie.
Da hetaj ža daty — 7 listapada — budzie adkryty ruch na ŭčastku praśpiekta Dziaržynskaha da miedycynskaha ŭniviersiteta. Zaraz jon ažyćciaŭlajecca tolki da vulicy Umanskaj. U nastupnym hodzie ŭsie raboty na praśpiekcie Dziaržynskaha płanujecca zaviaršyć.