Voś tabie, babula, i Jurjeŭ dzień — u Minsku źniali z uliku 8,8 tys. čarhavikoŭ
Amal 8,8 tys. minčan z pačatku hoda źniaty z čarhi majučych patrebu ŭ palapšeńni žyllovych umoŭ. Ab hetym paviedamiŭ siońnia napres-kanfierencyi ŭ Minskaj haradskoj ratušy staršynia Minharvykankama Mikałaj Ładućka.
U horadzie pravodzicca rabota pa źviercy śpisa čarhavikoŭ, da krasavika 2013 hoda zhodna z daručeńniem Łukašenki jaje płanujecca zaviaršyć. Pavodle źviestak na vierasień, u čarzie majučych patrebu znachodzicca amal 269 tys. čałaviek. Dla taho kab zaviaršyć źvierku svoječasova, płanujecca pavialičyć kolkaść ludziej, zadziejničanych u pracesie, pakolki nieabchodna ŭ adpaviednaści z normami zakanadaŭstva pravieryć najaŭnaść nieruchomaj majomaści ŭ hramadzian nie tolki ŭ Minsku, ale i ŭ Minskim rajonie.
Jak rastłumačyŭ namieśnik načalnika ŭpraŭleńnia žyllovaj palityki Minharvykankama Alaksandr Šeršań, pravierana ŭžo kala čverci čarhavikoŭ, vyjaŭlalisia fakty, kali ŭ čarzie znachodzilisia ludzi, jakija nie mieli dla hetaha padstaŭ.