Mastak Aleś Puškin vyjšaŭ na volu - fota
Usie 10 sutak aryštu jon trymaŭ haładoŭku.
Mastak Aleś Puškin vyjšaŭ na volu z pastarunku ŭ Smarhoni. Jaho sustreli 10 čałaviek znajomych i siabroŭ, z kvietkami i pieśniami. Usie 10 sutak aryštu Puškin trymaŭ haładoŭku.
Aleś Puškin skazaŭ, što padčas źniavoleńnia jon uvieś čas malavaŭ. Jamu pieradali ałoŭki i papieru. Turemny albom jon abiacaŭ pakazać žurnalistam.
Na pačatku vieraśnia mastaki Aleś Puškin, Hienadź Drazdoŭ, Valancin Varanišča, a taksama hramadzki aktyvist Uładzimier Šulžycki zładzili ŭ Smarhoni (Haradzienskaja vobłaść) akcyju pamiaci kiraŭnika antykamunistyčnaha padpolla ŭ paślavajennyja hady Raścisłava Łapickaha.
Usie jany adstajali ŭ carkvie malebien, jaki byŭ zakazany pa niavinna zabitym Raścisłavu Łapickim, paśla čaho z partretami Łapickaha, jakija sami namalavali, išli pa horadzie. Na adnoj ź cichich vułačak ich zapynili milicyjanty i dastavili ŭ pastarunak, dzie na ŭsich skłali pratakoły za praviadzieńnie niesankcyjanavanaha šeścia.