Čytačy: Chaj by zrabili prajezd 5000, spraviadliva
Na našym sajcie adbyłasia cikavaja dyskusija nakont cany prajezdu ŭ haradskim tranparcie. Bolšaść čytačoŭ sajta nie vierać u toje, što realny sabiekošt prajezdu ŭ Minsku składaje až 5000 rubloŭ, jak śćviardžajuć ŭłady horada. Ale było i dva cikavyja mierkavańni inšaha płana. Voś jany.
«Hramadski transpart u luboj krainie stratny i maje patrebu ŭ datacyjach. Tamu kali ŭ Vilni prajezd kaštuje ŭ pieraliku na našy hrošy 5000, heta nie vilenski sabiekošt, a mienš. Tamu i vychodzić, što sabiekošt pajezdki ŭ Minsku ŭsio ž nižejšy, čym u Prybałtycy i Polščy. I nižej jakraz za košt nižejšaha kamfortu, tańniejšaha paliva i mienšych zarobkaŭ.
A nakont biaspłatnaha prajezdu — łuchta ŭsio heta. Lepš by naadvarot zrabili prajezd pa 5000, a zekanomlenyja biudžetnyja hrošy puścili na pavyšeńnie zarobkaŭ ci na padatkovyja lhoty. Prosta ja, naprykład, amal nie karystajusia hramadskim transpartam. Čamu ja tady pavinien apłočvać čyjeści pajezdki svaimi padatkami? A kali b košt byŭ 5000, to i ja b zadumaŭsia — a ci nie prajści lepš mnie hetyja dva prypynki pieššu? Takim čynam, i nahruzka na transpart stała b krychu mienšaj.
Viktar
Samy tanny paŭhadzinny kvitok na prajezd u Vilni kaštuje 2,5 lita, ci 8000 na našy hrošy.
Siaredni zarobak u Letuvie «čystymi» — 1650 lit ci 5 200 000 našymi rublami, u Biełarusi siaredni zarobak «čystymi» — 3 500 000.
Tamu prajezd za 1700 —
Kiejstut