Andrej Chadanovič. Pieśnia Prevera
Ja tak chaču, kab ty zhadała słova
ź pieśni, što lubiła admysłova,
jakuju pomniš i ciapier:
miełodyja — Kasma, a vierš — Prever.
Chaj pieśniaj ab asieńnim liści
na niervach pamiać budzie hrać:
kachańnie, miortvaje kaliści,
nie pierastanie pamirać.
Słuchaju štoś inšaje z tuhi ja —
i žyvu ŭ sucelnaj letarhii,
nijakaj rady tut niama:
vierš — Prever, miełodyja — Kasma.
Bo pamiać pieśniaju pra liście
u našych sercach budzie hrać:
kachańnie, miortvaje kaliści,
nie pierastanie pamirać.
Usio ciače, jak pad chałodnym dušam,
minajuć žarści z raŭnaduššam,
minajuć vosień i zima,
što ž nijak nie skončycca Kasma?
Chaj pamiać pieśniaju pra liście
u sercy bolš nie budzie hrać:
kachańnie, miortvaje kaliści,
ŭ nas pierastanie pamirać!
Videa pieśni ŭ aryhinale, u vykanańni Sierža Hiensbura: