Pjany instruktar u Minsku na vučebnym aŭtamabili vioz kursantaŭ na ispyt
Pjany instruktar pa kiravańni ŭ Minsku na vučebnym aŭtamabili vioz kursantaŭ na ŭnutrany ispyt, paviedamiła staršy inśpiektar pa ahitacyi i prapahandzie ADAI Frunzienskaha rajona stalicy Alena Vołčak.
Vykładčyka zatrymali siońnia na vulicy Jakuboŭskaha kala 12:00. Na Daewoo Matiz jon vioz na ŭnutrany ekzamien troch kursantaŭ aŭtaškoły. Inśpiektary spynili hetuju mašynu dla pravierki ŭ ramkach akcyi «Vučebny aŭtamabil». Dakumienty ŭ kiroŭcy byli ŭ paradku, ale rabotniki DAI zapadozryli charakterny pach ałkaholu.
Pravierka paćvierdziła ich zdahadki: na vydychu ŭ mužčyny zafiksavana 0,75 pramile ałkaholu.Pry hetym, pavodle słoŭ Aleny Voŭčak, heta tolki pieršapačatkovaja pravierka, pry miedycynskim ahladzie, kudy pavieźli kiroŭcy, u jaho kryvi moža apynucca i bolšaje značeńnie.
Aŭtamabil ža adahnali na štrafstajanku.
Vyśviatleńnie abstavinaŭ praciahniecca, a samaja surjoznaja ŭvaha budzie nadadziena aŭtaškole kiroŭcy, jakaja zarehistravanaja ŭ Zasłaŭi.«Treba vyśvietlić, chto puściŭ takoha vykładčyka za rul», — adznačyła Alena Vołčak.