«Charašysty» apahanili mahiły ŭ Dubroŭnie
Zapłaciać za dziciačaje svavolstva baćki.
Padletki 10 i 12 hadoŭ apahanili mohiłki ŭ Dubroŭnie (Aršanščyna).
Z vajaŭničymi krykami dzieci nasilisia pa kładach, pieraskokvajučy praz aharodžy. Paciarpieli kala 20 mahił. Niekatoryja pomniki pavalenyja, jość navat raźbityja, kvietki i vianki raskidanyja.
Małyja vandały adrazu va ŭsim pryznalisia. Ale rastłumačyć svoj dziki ŭčynak nie zmahli. Krušeńnie pomnikaŭ dla ich było hulnioj.
Chłopcy vučacca ŭ 4 i 5 kłasach. Vučacca dobra. Zajmajucca futbołam. Žyvuć u narmalnych siemjach.
Ciapier ź imi pracuje psichołah.
Zapłaciać za «dziciačaje svavolstva» baćki. Pałovu paškodžanych pomnikaŭ jany ŭžo adnavili.