Viaducca raboty pa stvareńni druhoha kaśmičnaha spadarožnika
Ab hetym napres-kanfierencyi 25 kastryčnika paviedamiŭ namieśnik staršyni prezidyuma Nacyjanalnaj akademii navuk Siarhiej Čyžyk.
«My jaho stvareńnie pačali, rabota idzie ŭvieś čas. I toj ža „Pielenh“ stvaraje „žaleza“, i našy instytuty ŭ ramkach sajuznych prahram pracujuć u hetym kirunku, rabota nie spyniałasia. Termin słužby spadarožnika piać hadoŭ, i za hety čas užo pavinien być hatovy nastupny», — skazaŭ Čyžyk.
Jon nahadaŭ, što pieršy biełaruski spadarožnik pracuje ŭžo na praciahu troch miesiacaŭ.«Zaviaršajucca testy sistemy ekspłuatacyi, vyznačajecca jaho pasłuchmianaść u kiravańni, atrymlivajucca pieršyja zdymki. My bačym, što jany vysokaj jakaści, my bačym nie tolki terytoryju našaj krainy, ale i inšych krain. Užo źjaŭlajucca achvotnyja pa vykarystańni hetych vyjavaŭ», — paviedamiŭ Čyžyk.
Pry hetym jon padkreśliŭ, što biełaruskija vučonyja majuć aryhinalnyja ałharytmy apracoŭki dadzienych spadarožnika «nie tolki vizualnaj, ale i śpiektralnaj, naprykład pa acency stanu hleb, vidaŭ na ŭradžaj, navat prykmietaŭ zalahańnia karysnych vykapniaŭ».
Zapusk Biełaruskaha kaśmičnaha aparata byŭ ažyćcioŭleny 22 lipienia 2012 hoda ŭ 9 hadzin 41 chvilinu. BKA zapuščany z kasmadroma Bajkanur razam ź piaćciu inšymi spadarožnikami vytvorčaści Rasii, Kanady i Hiermanii. Košt prajekta pa stvareńni i zapusku spadarožnika składaje prykładna 16 młn. dołaraŭ.