U Biełarusi internet-aŭdytoryja za hod vyrasła na 14%

Pamier internet-aŭdytoryi Biełarusi ŭ vieraśni 2012 hoda skłaŭ 4,383 miljona čałaviek, što na 14% bolš, čym u vieraśni 2011 hoda.

Internet-karystalnikam nazyvajecca čałaviek, jaki na praciahu miesiaca chacia b raz skarystaŭ suśvietnuju sietku.

Pa hiendarnym kryteryi aŭdytoryja biełaruskaha interneta prykładna roŭnaja: mužčyny — 49,1% i žančyny — 50,9%.

Asnoŭnaja ŭzrostavaja hrupa biełaruskich internet-karystalnikaŭ — ludzi 25–34 hadoŭ (30%), na druhim miescy — 19–24 hadoŭ (21%), na trecim — 35–44 hadoŭ (19,5%).

Vyšejšuju i paśladypłomnuju adukacyju majuć 39% biełaruskich internet-karystalnikaŭ.

Zhodna sa źviestkami daśledavańnia, 80% biełarukich karystalnikaŭ vykarystoŭvajuć internet kožny dzień. Pry hetym 69% vykarystoŭvajuć šyrokapałosny dostup.

Gemius — mižnarodnaje daśledčaje ahienctva, jeŭrapiejski lidar i pijanier u śfiery vymiareńnia interneta i daśledavańniaŭ u internecie. Vymiareńnie anłajn-aŭdytoryi gemiusAudience źjaŭlajecca standartam amal u pałovie krain Jeŭropy.

Ahienctva Gemius było zasnavanaje ŭ Polščy ŭ 1999 hodzie i aktyŭna dziejničaje bolš čym u 30 krainach Jeŭropy i Blizkaha Uschodu. U Biełarusi pradstaŭlena z 2008 hoda, pravodzić statystyčnyja i markietynhavyja daśledavańni na zakaz i ažyćciaŭlaje inicyjatyŭnyja prajekty, takija jak vyvučeńnie rynku elektronnaj kamiercyi, staŭleńnie karystalnikaŭ da roznych farmataŭ anłajn-rekłamy, vymiareńnie aŭdytoryi biełaruskaha interneta.

Kamientary da artykuła