Maci Sieviarynca zvolnili z pracy
Aficyjnaje tłumačańnie — za parušeńnie pracoŭnaha režymu. Taciana Siaviaryniec ličyć, što jaje zvolnili pa palityčnych pryčynach.
Maci biełaruskaha apazycyjanera Paŭła Siaviarynca zvolnienaja z pracy z pryčyny, byccam by, parušeńnia pracoŭnaha režymu.
Tym časam Taciana Siaviaryniec ź Viciebsku ličyć, što jaje zvolnili z pasady pa palityčnych pryčynach.
Padčas zimovych kanikułaŭ Taciana Siaviaryniec vyjechała na 6 dzion da svajoj dački ŭ Miensk, a paźniej u Varšavu, dzie jana naviedała mahiłu baćki j pryniała ŭdzieł u pedahahičnych kursach.
Na karotki vodpusk jana spačatku atrymała zhodu svajho načalstva, ale paźniej pa‑ telefonie zhadanaje rašeńnie było admienienaje.
Piśmo ŭ abaronu nastaŭnicy z amal 36‑hadovym prafesijnym dośviedam padpisała hrupa baćkoŭ. Tym časam nastaŭnica choča damahacca svaich pravoŭ pierad sudom i prakuraturaj.
Nahadajem, jejny syn Pavał Siaviaryniec — adzin z zasnavalnikaŭ delehalizavanaj uładami moładzievaj arhanizacyi «Małady Front» — adbyvaje pakarańnie pazbaŭleńnia voli da 2 hadoŭ za «aktyŭny ŭdzieł u niesankcyjanavanaj demanstracyi».