Znoŭ vybuchnuŭ manitor
Kala 20 čałaviek byli evakuiravany z budynka Baraŭlanskaha sielskaha vykanaŭčaha kamiteta, raźmieščanaha ŭ pasiołku Lasny Minskaha rajona.
Kala 20 čałaviek byli evakuiravany z budynka Baraŭlanskaha sielskaha vykanaŭčaha kamiteta, raźmieščanaha ŭ pasiołku Lasny Minskaha rajona.
Pryčynaj stała nadzvyčajnaje zdareńnie ŭ kabiniecie na druhim paviersie budynka. U toj momant, kali adna z supracoŭnic pracavała za kampjutaram, pačuŭsia voplesk i manitor vybuchnuŭ. Žančyna adklučyła techniku ad siłkavańnia i kinułasia da elektraščyta. Kali viarnułasia, płastykavyja paneli kampjutara płavilisia, vydzialajučy atrutny dym. Prybyŭšym vyratavalnikam-pažarnym, jak paviedamili ŭ Minskim abłasnym upraŭlenni MNS, daviałosia zdymać z bałkona-kazyrka budynka 8 supracoŭnikaŭ, skarystaŭšy trochkalennuju lesvicu. Astatnija rabotniki i naviedvalniki evakuiravalisia samastojna. Z uzharańniem spravilisia ŭ ličanyja chviliny, źvioŭšy ŭron da minimumu — koštu manitora.