U Chojnickim rajonie admovilisia brać padarunki ad Milinkieviča
Alaksandar Milinkievič praciahvaje svoj vizyt pa zabrudžanych radyjacyjaj rehijonach krainy. Pajezdka pačałasia 21 krasavika i skončycca 25 krasavika. Za hety čas lider apazycyi naviedaje dziasiatak zabrudžanych rajonaŭ.
Alaksandar Milinkievič praciahvaje svoj vizyt pa zabrudžanych radyjacyjaj rehijonach krainy. Pajezdka pačałasia 21 krasavika i skončycca 25 krasavika. Za hety čas lider apazycyi naviedaje dziasiatak zabrudžanych rajonaŭ.
A. Milinkievič adznačyŭ, što farmalnaj pryčynaj vizytu ŭ hetyja rehijony jość 21-ja hadavina Čarnobylskaj trahiedyi. Razam z tym, jon adznačyŭ, što byvaje ŭ hetych miaścinach značna čaściej, čym adzin raz na hod.
Asnoŭnyja sustrečy Milinkievič pravodzić nie z demakratyčnymi aktyvistami hetych rajonaŭ, a ź likvidatarami katastrofy na ČAES, dazymetrystami, pierasialencami, a taksama z prostymi ludźmi na vulicach. Lider apazycyi kažuć, što jaho paznajuć na vulicach, padychodziać, kab parazmaŭlać. «Ludzi chočuć havaryć pra prablemy Čarnobylu», ‑‑ adznačaje Milinkievič. Najpierš Milinkievič u razmovach ź ludźmi abmierkavańnie prablemu hramadzkaha kantrolu za zabrudžanymi terytoryjami, prablemu palapšeńnia achovy zdaroŭja, pytańnie pabudovy ŭ Biełarusi atamnaj stancyi, lekavańnie dziaciej za miažoj, a taksama pytańnie humanitarnaj dapamohi.
«My sutykajemsia z tym, što ŭ ludziej adbyvajecca poŭnaja paniavierka i apatyja. Jany nia vierać ni zachodnikam, što pryvoziać humanitarnuju dapamohu, ni Łukašenku, ni nam. Pavodle miascovych, u Chojnikach siońnia hałoŭnaj prablemaj źjaŭlajecca nie radyjacyja, a adsutnaść u damoch vady. Adnoj z maich zadačaŭ jość danieści da ludziej praŭdu pra trahiedyju, praŭdu pra radyjacyju, bo tolki praŭdaj možna vyvieści hetych ludziej sa stanu depresii», ‑‑ kaža Milinkievič. Razam z tym jon kaža, što niezaležnaje hramadztva sutykajecca z nastupnaj prablemaj, kali ŭłada sprabuje manapalizavać vyrašeńnie Čarnobylskaj trahiedyi. «Mižnarodnaja supolnaść hatovaja akazvać dapamohu hetym ludziam. U mianie jość dobryja suviazi na Zachadzie, va ŭłady ich niama i jana sama vinavataja ŭ hetym. Ale my ŭvieś čas sutykajemsia z tym, što ŭłady manapalizavali hetuju prablemu. My vieźli ŭ dziciačy dom u chojnickaj vioscy Barysaŭščyna padarunki, ale tudy telefanavali i zahadali ničoha nia brać. My pryjechali i pierapałochanyja vychavacielki kažuć, što ŭ internacie karancin. My nia možam navat zrabić padarunki dla hetych dziaciej».
Milinkievič kaža, što padčas hetaj pajezdki dla jaho hałoŭnaje adkazać na pytańnie: što mienavita jon, majučy vielmi dobryja mižnarodnyja suviazi, moža zrabić dla hetych ludziej, jakuju jon moža akazać dapamohu.
Alaksandra Milinkieviča padčas pajezdcy pa rehijonach supravadžajuć tamtejšyja demakratyčnyja aktyvisty, siabry niezarehistravanaha «Maładoha frontu». Pieršyja dźvie nočy jon pravioŭ na Stolinščynie i Mazyry. Siońnia zanačuje ŭ Homieli, a zaŭtra – na Mahiloŭščynie.