Rasieja patrabuje naŭzamien kredytu «Biełtranshaz» u zastavu
Rasiejski ŭrad hatovy dać Biełarusi techničny kredyt na sumu da $1,5 młrd. – ale pad zakład akcyj AAT “Biełtranshaza”. Zychodziačy z rynkavaha koštu pradpryjemstva, u zakład patrapiać da 30% akcyj “Biełtranshaza”. Takim čynam Rasieja šukaje sposab paskoryć stvareńnie SP “Hazproma” z “Biełtranshazam”, jakoje dazvolić rasiejskaj manapolii atrymać kantrol u mahistralnych hazapravodach Biełarusi, piša siońnia rasiejskaja hazieta “Kommiersant”.
U piatnicu pres-słužba “Hazproma” raspaŭsiudziła paradak dnia čarhovaha pasiedžańnia savieta dyrektaraŭ manapolii 25 krasavika, na jakim płanujecca razhledzieć pytańnie "ab udziele ŭ AAT “Biełtranshaz”. Rašeńnie ab stvareńni SP na bazie "Biełtranshaza", jakoje praduhledžvaje kuplu "Hazpromam" 50%+1 akcyi biełaruskaha hazatranspartnaha pradpryjemstva, było adnym z umoŭ pahadnieńnia ab prodažy hazu Biełarusi ŭ 2007 hodzie. "Hazprom" pahadziŭsia pradavać haz pa $100 za tysiaču kubamietraŭ zamiest pieršapačatkova vystaŭlenych $200. A naŭzamien biełaruski bok paabiacaŭ da 1 červienia 2007 hoda stvaryć SP na bazie "Biełtranshaza".
Aficyjna ŭ "Hazpromie" i ŭradzie Biełarusi kažuć, što ździełka budzie praviedzienaja va ŭstalavanyja terminy. Adnak, z ulikam travieńskich śviataŭ u Rasiei, dla ździajśnieńnia ździełki zastałosia paru tydniaŭ pracoŭnaha času. A baki tak i nie ŭzhadnili ŭmovy damovy. "Hazprom" pahadziŭsia z tym, što biełaruski bok płacić u I paŭhodździ $55 za tysiaču kubamietraŭ zamiest $100, što pa vynikach pastavak u krainu 21 młrd kubamietraŭ u 2007 hodzie dazvolić manapolii atrymać ź biełarusaŭ tolki $1,155 młrd, a pakinutyja $0,945 młrd buduć apłačanyja z srodkaŭ techničnaha kredytu, pradstaŭlenaha rasiejskim ministerstvam finansaŭ.
Bolš za toje, jak zajaŭlaŭ namieśnik staršyni praŭleńnia "Hazproma" Valery Hołubieŭ, manapolija pahadziłasia z patrabavańniem biełaruskaha boku źnizić handlovuju nadbaŭku "Biełtranshaza" ŭ pamiery $18 za tysiaču kubamietraŭ u 2007–2010 hady. U hety pieryjad "Hazprom" budzie kuplać pa 12,5% akcyj "Biełtranshaza" ŭ hod na ahulnuju sumu $2,5 młrd. Byli dasiahnutyja damoŭlenaści i pa mienš pryncypovym pytańniam. Adnak biełaruski bok pa-raniejšamu zaciahvaje padpisańnie damovy ab kupli "Biełtranshaza", matyvujučy heta zvyčajnaj słužboŭskaj ciahaninaj i niedachopam času dla ŭzhadnieńnia ździełki na ŭzroŭni Alaksandra Łukašenki.
Kab padšturchnuć biełarusaŭ dla ździajśnieńnia ździełki, na jakuju Alaksandr Łukašenka nie moža vyrašycca ŭžo dziesiać hadoŭ, rasiejskija słužboŭcy zrabili prapanovu, ad jakoj niemahčyma admovicca. Krynica, blizkaja da biełaruskaha ŭrada, paviedamiła, što Rasieja prapanoŭvaje Biełarusi kredyt na ŭmovach atrymańnia ŭ zakład akcyj "Biełtranshaza". Raniej paviedamlałasia, što Biełaruś źviarnułasia z prośbaj ab atrymańni $1,5 młrd. kredytu, a Rasieja zhadziłasia z tym, što minimalnaja suma moža skłaści $1 młrd. Zychodziačy z rynkavaj acenki "Biełtranshaza", praviedzienaj hałandskim bankam ABN Amro ŭvosień 2006 hoda, dla zabieśpiačeńnia hetaj ździełki zapatrabujecca 20–30% akcyj "Biełtranshaza".
"U adroźnieńni ad papiarednich kredytaŭ, jakija Rasieja davała Biełarusi, hetym razam prad`iaŭlajucca bolš sur`ioznyja patrabavańni da ŭmoŭ, na jakich hety kredyt moža być vydadzieny. Mahčyma, pad zakład akcyj. A z pryčyny taho, što ŭ Biełarusi tolki adno pradpryjemstva acenienaje pa mižnarodnych standartach – AAT “Biełtranshaz”, – rasiejski bok moža zapatrabavać zabieśpiačeńnia hetaha kredytu akcyjami hetaha pradpryjemstva", – cytuje ahienctva "Prajm-TASS" krynica, blizkaja da biełaruskaha ŭrada. A rasiejskaja krynica “Kommiersanta”, znajomaja z chodam pieramovaŭ, udakładniła: "Hetuju pazicyju pracisnuŭ “Hazprom” – praź pieramovy pa SP, jakija zaciahnulisia”.
U Minfinach Rasiei i Biełarusi, va ŭradzie Biełarusi i ŭ "Hazpromie" admovilisia kamientavać pazicyi bakoŭ, pakul iduć pieramovy. Papiarednija techničnyja kredyty, pradstaŭlenyja Rasiejaj Biełarusi biez harantyj kaštoŭnych papier, paśla byli restrukturavanyja, i ciapier ich absłuhoŭvaje Nacbank Biełarusi. Novyja patrabavańni krynica, blizkaja da rasiejskaha MZS, rastłumačyła tym, što va ŭmovach niestabilnych tranzitnych stasunkaŭ, kali biełarusy majuć namier padvysić košt tranzitu rasiejskich tavaraŭ i arendy rasiejskich ab`iektaŭ, Rasiei patrebnyja dadatkovyja harantyi pahašeńnia kredytu. Dla Biełarusi ž atrymańnie kredytu na takich umovach budzie aznačać faktyčnuju pieradaču akcyj "Biełtranshaza" "Hazpromu" – navat biez stvareńnia SP.
Pavodle