Nad hałavoj Navumava źbirajucca chmary
Paciarpieŭ parazu prajekt ab udziele biełaruskaha klubu ŭ chakiejnym čempijanacie Rasiei.
Siońnia ŭ administracyi prezydenta krainy prajšła narada z udziełam kiraŭnika dziaržavy A. Łukašenki išerahu chakiejnych specyjalistaŭ — nastaŭnikaŭ klubaŭ ekstralihi i hulcoŭ, što ŭ minułym dabilisia pośpiechaŭ na mižnarodnaj arenie.
Adnoj z hałoŭnych temaŭ razmovy była mahčymaść i farmat udziełu biełaruskaha klubu ŭ vyšejšaj lizie (D2) čempijanatu Rasiei. Nahadajem, što hety prajekt abmiarkoŭvaŭsia z vosieni minułaha hodu. Ale vynikam siońniašniaha pasiedžańnia stała rašeńnie ab niemetazhodnaści zajaŭki našaj kamandy na dadzienym etapie ŭ čempijanat inšaj krainy — asnoŭnyja vysiłki vyrašana nakiravać na dalejšaje raźvićcio nacyjanalnaha pieršynstva.
Tamsama było pryniata jašče adno važnaje rašeńnie. Kiraŭnik FCHRB Uładzimier Navumaŭ [adzin ź inicyjataraŭ prajektu ŭdziełu biełaruskaha klubu ŭ čempijanacie Rasiei -- NN] pakinie kuratarstva chakiejnym klubam «Dynama». Ciapier čempijon Biełarusi‑2007 budzie znachodzicca pad apiekaj Juryja Barodziča — staršyni BFST «Dynama», jaki da śniežnia 2001 h. uznačalvaŭ biełaruskuju federacyju chakieja.