Biełaruski bok pahadziŭsia na mohilnik jadziernych adkidaŭ pad Ihnalinaj
Zychodziačy z zajavy kiraŭnicy idealahičnaj pracy Brasłaŭskaha rajvykankamu Nadziei Lach, biełaruski bok kančatkova pahadziŭsia z budaŭnictvam pobač ź miažoj jadziernaha mohilniku.
Zychodziačy z zajavy kiraŭnicy idealahičnaj pracy Brasłaŭskaha rajvykankamu Nadziei Lach, biełaruski bok kančatkova pahadziŭsia z budaŭnictvam pobač ź miažoj jadziernaha mohilniku.
Nahadajem, što hałoŭny ideolah rajonu N. Lach zajaviła padčas hramadzkich słuchańniaŭ na miažy ź Litvoj u miastečku Vidzy pra toje, što žychary rajonu zhodnyja z «parazumieńniem pastavicca da prablemaŭ litoŭskich enerhietykaŭ». Spasyłka na hramadzkuju dumku jość kamuflažam hetaj zhody. U sučasnych biełaruskich umovach dumka hramadztva zaŭsiody supadaje ź kiraŭničaj linijaj uładaŭ.
U słuchańniach pryniali ŭdzieł pradstaŭniki Ministerstva pryrodnych resursaŭ i achovy navakolnaha asiarodździa, dziaržustanovy «Respublikanski centar radyjacyjnaha kantrolu i manitorynhu navakolnaha asiarodździa», navukoŭcy ź Litoŭskaha enerhietyčnaha instytutu dy Niamieččyny, pradstaŭniki miascovych uładaŭ.
Biełarusy vyłučyli niekalki abaviazkovych umovaŭ stvareńnia abjekta, siarod jakich ščylny kantrol za stanam mohilniku, zabieśpiačeńnie techničnaj nadziejnaści i radyjacyjnaj biaśpieki zachavańnia, a taksama admova ad dadatkovych pastavak adychodaŭ jadziernaha paliva ź inšych krainaŭ śvietu.
Prablema isnavańnia mohilnika dla mieścičaŭ nia jość abstrakcyjaj. Kominy Ihnalinskaj AES — pobač ź miažoj, jadziernaje zachavańnie taksama možna razhledzieć niaŭzbrojenym vokam. Naŭkoł — systema znakamitych Brasłaŭskich azioraŭ, na jakich mieściacca, napeŭna, najlepšyja ŭ Biełarusi zony adpačynku.
Brasłaŭščyna pryciahvaje turystaŭ z roznych krainaŭ, i niebiaśpiečnaje susiedztva moža značna pieraškodzić raźvićciu hetaj haliny.
Što tyčycca samoj zajavy pra zhodu mieścičaŭ, to jana zroblenaja na hetkim uzroŭni, jaki daje mahčymaść, kali patrebna, chutka jaje dezavujavać.