U Vaŭkavysku chłopiec abrabavaŭ dziaŭčynu i zasnuŭ u kustach
Jak paviedamili ŭ adździaleńni infarmacyi i hramadskich suviaziaŭ UUS Hrodzienskaha abłvykankama, dobra vypiŭšy, małady čałaviek spačatku pryčapiŭsia da chłopca i dziaŭčyny, jakija siadzieli nočču na stadyjonie, a potym adkryta skraŭ u apošniaj sumačku, u jakoj byŭ kašalok, telefon, krychu bolš za 150 tysiač rubloŭ i dźvie bankaŭskija kartki.
Kurjoz hetaj situacyi zaklučajecca ŭ tym, što małady čałaviek paśla rabavańnia zasnuŭ niedaloka ŭ kustach, dzie jaho i znajšli supracoŭniki milicyi.
Kašalok z hrašyma, bankaŭskija kartki i telefon znachodzilisia ŭ kišeni ŭ padazravanaha. Svaju vinu jon pryznaje i kaža, što ŭčyniŭ złačynstva, bo byŭ pjany.
U dačynieńni da rabaŭnika raspačata sprava pavodle art. 206 (rabavańnie) Kryminalnaha kodeksa. Padazrony raniej pryciahvaŭsia da kryminalnaj adkaznaści za vymahańnie, chulihanstva i kradziež.