Milicyjant, znachodziačysia ŭ haściach, vypadkova znajšoŭ skradzieny aŭtamabil

Aŭtamabil VAZ 21043 źnik ź nieachoŭvanaj stajanki ŭ adnaho z damoŭ pa vulicy Uljanaŭskaj u Mazyry ŭ noč na 17 kastryčnika.

Praź niekalki dzion milicyjant-kiroŭca Michaił Bułaŭka ŭ vychodny dzień pryjechaŭ da svaich rodnych u viosku Prudok Kalinkavickaha rajona. Mienavita tam jon i ŭbačyŭ skradzienaje aŭto. Udakładniŭšy ŭ pradaŭca miascovaj kramy, kamu z žycharoŭ naležyć transpartny srodak, pa telefonie źviazaŭsia sa svaimi kalehami.

Mazyrskija milicyjanty vyjechali ŭ viosku, kab zatrymać uhonščyka na mašynie. Adnak toj, daŭšy hazu, vyrašyŭ źbiehčy. Milicyjanty pačali pieraśled. Da apieracyi «Pierachop» padklučylisia kalehi z Kalinkavickaha rajona. Nieŭzabavie złačynca byŭ zatrymany.

Užo vyśvietlena, što vykradalnikaŭ było dvoje. Taksama stała viadoma, što raniej sudzimyja žychary Kalinkavickaha rajona datyčnyja da ździajśnieńnia jašče dziesiaci kradziažoŭ z aŭtatranspartu.

Kamientary da artykuła