Raspačaŭsia zbor podpisaŭ za admienu zakonu ab svabodzie sumleńnia
U kampanii prymajuć udzieł kataliki, pravasłaŭnyja i pratestanty, a taksama pradstaŭniki hramadzkaści. Podpisy buduć pieradadzienyja ŭ Kanstytucyjny sud. Tym časam u carkvie «Novaje žyćcio» bolš jak paŭhodu praciahvajecca bieśpierapynnaja malitva za los chryścijanstva ŭ Biełarusi
U kampanii prymajuć udzieł kataliki, pravasłaŭnyja i pratestanty, a taksama pradstaŭniki hramadzkaści. Podpisy buduć pieradadzienyja ŭ Kanstytucyjny sud. Tym časam u carkvie «Novaje žyćcio» bolš jak paŭhodu praciahvajecca bieśpierapynnaja malitva za los chryścijanstva ŭ Biełarusi
Na dumku inicyjataraŭ zboru podpisaŭ, dziejučy Zakon «Ab svabodzie sumleńnia i relihijnych arhanizacyjach» rezka abmiažoŭvaje pravy chryścijanskich kanfesijaŭ i asobnych hramadaŭ u ździajśnieńni imi svajoj statutnaj dziejnaści. Pravaprymianialnaja praktyka čatyroch apošnich hadoŭ, ciaham jakich dziejničaje zakon, śviedčyć pra šmatlikija parušeńni praŭ hramadzianaŭ Biełarusi ŭ vobłaści svabody vieravyznańnia. Śviatary roznych kanfesij atrymlivajuć štrafy da traplajuć pad administratyŭny aryšt za praviadzieńnie bohasłužeńniaŭ, čynoŭniki systematyčna nie dazvalajuć praviadzieńnie bohasłužbaŭ, budaŭnictva kultavych pabudovaŭ albo pieraprafilavańnie inšych budynkaŭ u kultavyja i da t.p.
Mnohija pałažeńni dadzienaha Zakonu supiarečać jak art. 31 Kanstytucyi Biełarusi, jaki harantuje kožnamu hramadzianinu krainy prava na svabodu vyznańnia svaich relihijnych pierakanańniaŭ, tak i šerahu mižnarodnych pravavych aktaŭ — Usieahulnaj deklaracyi pravoŭ čałavieka, Mižnarodnamu paktu ab hramadzianskich i palityčnych pravach dy inš.
Źviazacca z kaardynacyjnym centram kampanii možna pa telefonie +375 29 873‑77‑18 Paviedamleńni dla presy: +375 29 636‑52‑40 (pres‑sakratar Siarhiej Łukanin)
Elektronny adras: svabodavery@gmail.com
Tym časam, 23 krasavika mienskaja carkva «Novaje žyćcio» adznačaje 200‑y dzień niesupynnaj malitvy za los chryścijanstva ŭ Biełarusi. Tut molacca i nočču. Raspačałasia malitva 5 kastryčnika 2006 h., kali vierniki carkvy abvieścili post‑haładoŭku suprać dziejańniaŭ Mienharvykankamu.