Za rulom Porshe Cayenne znachodziŭsia dyrektar firmy

Za rulom Porshe Cayenne, pad kołami jakoha viečaram 13 listapada ŭ Minsku zahinuŭ dzieviacihadovy školnik, znachodziŭsia dyrektar pryvatnaha pradpryjemstva. Mašyna zarehistravana na inšaj firmie.

Nahadajem, trahiedyja adbyłasia prosta kala siaredniaj škoły № 23 na vulicy Pimiena Pančanki ŭ Sucharavie.

Pavodle infarmacyi HUUS Minharvykankama, 13 listapada ŭ 19 hadzin 37-hadovy minčanin, kirujučy Porshe Cayenne, ruchajučysia pa miascovym prajeździe nasuprać doma № 56 pa vulicy Pančanki ździejśniŭ najezd na vučnia 3-ha kłasa, jaki raptoŭna vybieh na prajeznuju častku. U vyniku DTZ 9-hadovaje dzicia pamierła ŭ aŭtamašynie chutkaj miedycynskaj dapamohi.

Śledčym upraŭleńniem Upraŭleńnia Śledčaha kamiteta pa Minsku raspačata kryminalnaja sprava pa č. 2 art.317 KK (parušeńnie praviłaŭ darožnaha ruchu, što paciahnuła pa nieaściarožnaści śmierć čałavieka). Miera strymańnia ŭ dačynieńni da kiroŭcy nie abirałasia.

Kamientary da artykuła