Paźniak: Ad Sańnikava za miažoj pakul tolki škoda

Kab zrazumieć, dzie jon zaraz apynuŭsia i chto jość naŭkoł, novamu palituciekaču nieabchodny čas ahledziecca, miarkuje lidar KCHP -- BNF.

Tak lidar KCHP-BNF acaniŭ pieršyja palityčnyja zajavy eks-kandydata ŭ prezidenty Andreja Sańnikava, jaki atrymaŭ palityčny prytułak u Vialikabrytanii.

«Dumaju, što ad Sańnikava budzie tolki škoda. Nijakaj karyści nie budzie. Jon nie razumieje, što takoje emihracyja i ŭvohule — chto tut jość. Tamu chaj lepš spačatku ahladajecca».

Na dumku Paźniaka, dla Sańnikava stała vialikaj niečakanaściu i turma, i emihracyja. Tamu — chaj pakul «aklimatyzujecca».

Nahadajem, 3 listapada pradstaŭniki biełaruskaj apazicyi i Rady BNR padpisali sumiesny miemarandum «Ab mierach pa zabieśpiačeńni niezaležnaści Biełarusi». Lidar «Jeŭrapiejskaj Biełarusi», eks-kandydat u prezidenty Andrej Sańnikaŭ admoviŭsia padpisvać hety dakumient, nazvaŭšy jaho niedapracavanym, niepiśmiennym i navat škodnym. Da ŭsiaho, palityk abražany tym, što arhanizatary vilenskaj sustrečy nie dapuścili da pieramoŭ pradstaŭnika «Jeŭrapiejskaj Biełarusi».

Kamientary da artykuła