U Minsku zatrymany łže-ryełtar. Šukajuć paciarpiełych
U HUUS Minharvykankama paviedamili, što zatrymany małady čałaviek padazrajecca ŭ machlarstvie. Jon raźmiaščaŭ u internecie svaje prapanovy pa zdačy kvatery, jakija taksama znachodziŭ u siecivie. Ale časam paznačaŭ vydumanyja adrasy.
Pa adnym z takich adrasoŭ znachodziŭsia haraž.
Pry sustrečy z patencyjnymi najmalnikami łže-ryełtar prasiŭ u ich pieradapłatu — 400-500 tysiač rubloŭ. Kali jon papiarednie damaŭlaŭsia z haspadarami sapraŭdnaj kvatery, kvataranty zasialalisia. A byvała, što jon źnikaŭ razam z hrašyma, i ludzi zastavalisia na vulicy.
Jak vyśvietliłasia, małady čałaviek sapraŭdy pracavaŭ ryełtaram. Ale zastaŭsia biez pracy, kali jaho ahienctva začyniłasia.
Pakul vyjaŭlenyja čatyry paciarpiełyja.
Ale nie vyklučana, što ich było bolš.
Partyzanskaje RUUS Minska šukaje tych, chto moh stać achviaraj čałavieka na fota. Telefanavać na numar (017) 230-34-34 albo źviartacca pa adrasie: zav. Stachanaŭski, 5.
Maładoha čałavieka pa padazreńni ŭ anałahičnych złačynstvach šukała i Centralnaje RUUS Minska.