Łukašenka staŭ łaŭreatam nacyjanalnaj premii Kazachstana
Alaksandr Łukašenka, Uładzimir Pucin i Nursułtan Nazarbajeŭ stali łaŭreatami nacyjanalnaj premii Kazachstana «Čałaviek hoda» ŭ naminacyi «Dziaržaŭnaja palityka».
Jak paviedamlaje aficyjny sajt prezidenta Kazachstana, lidary troch dziaržaŭ byli ŭznaharodžanyja za ŭniosak u stvareńnie JezrAzES i Mytnaha sajuza.
Nacyjanalnaja premija «Čałaviek hoda» zasnavanaja Ruskim bijahrafičnym instytutam u 1993 hodzie i prysudžajecca za dasiahnieńnie ŭ śfierach dziejnaści, jakija majuć stratehičnaje značeńnie — navuka, kultura, dziaržaŭnaje kiraŭnictva, sacyjalna adkazny biźnies, dabračynnaść, aśvietnictva.
Łaŭreatami premii ŭ minułyja hady byli patryjarch Maskoŭski i ŭsiaje Rusi Alaksij Druhi, piśmieńnik Alaksandr Sałžanicyn, akademiki Žares Ałfioraŭ, Lea Bakieryja i inšyja vybitnyja hramadskija dziejačy, vučonyja, kiraŭniki najbujniejšych pradpryjemstvaŭ.