Brud na adras žonki Milinkieviča
Ina Kulej, kiraŭnica Kamitetu dapamohi represavanym «Salidarnaść», źviarnułasia z zajavaj u prakuraturu Miensku.
Ina Kulej — kiraŭnik kamiteta dapamohi represavanym «Salidarnaść» i žonka staršyni Palitsavieta abjadnanych demakratyčnych sił Alaksandra Milinkieviča — źviarnułasia z zajavaj u prakuraturu Minska. Jak paviedamlaje pres‑słužba A.Milinkieviča, I.Kulej prosić raspačać kryminalnuju spravu pa fakcie raźmiaščeńnia na sajcie intimby.net u raździele «znajomstva» ankiety ab pradastaŭleńni płatnych intymnych pasłuh ź jaje kantaktnaj infarmacyjaj.
«Z momantu raźmiaščeńnia dadzienaj abjavy mnie nieadnarazova telefanavali na mabilny telefon z prapanovami intymnaha charaktaru. Vielmi časta telefanavańni nasili abraźlivy charaktar. Raźmiaščeńnie dadzienaj abjavy z paznačeńniem majho mabilnaha telefona nosić naŭmysny charaktar i nakiravanaje na abrazu mianie i paklop», — havorycca ŭ zajavie.
Ina Kulej taksama ličyć, što takaja infarmacyja skiravana na dyskredytacyju jaje jak hramadskaha dziejača i žonki lidera demakratyčnych sił.