Siońnia — apošni zvanok
U piatnicu apošni zvanok prahučyć dla bolš čym 94 tysiač vypusknikoŭ 11‑12 klasaŭ.
25 maja ŭ škołach Biełarusi aficyjna zaviaršajecca navučalny hod.
Jak paviedamili BiełaPAN va ŭpraŭleńni ahulnaj siaredniaj adukacyi Ministerstva adukacyi Biełarusi, škołu sioleta zakančvajuć bolš čym 94,3 tys. vypusknikoŭ 11‑12 kłasaŭ i bolš za 70,7 tys. vypusknikoŭ bazavaha ŭzroŭniu adukacyi.
Kolkaść vypusknikoŭ bazavaj škoły sioleta skaraciłasia amal udvaja — u 2006 hodzie ich było 142,8 tysiačy. Atestat ab siaredniaj adukacyi atrymaje praktyčna takaja ž kolkaść vypusknikoŭ.
Užo 28 maja ŭ škołach pačnucca vypusknyja ekzamieny. Vučni 11‑12 kłasaŭ zdajuć try ekzamieny: ruskuju abo biełaruskuju movu (pa vybaru), matematyku i adzin ekzamien pa vybaru.
Vučni 9‑10 kłasaŭ buduć zdavać čatyry ekzamieny: ruskuju i biełaruskuju movy, matematyku i historyju Biełarusi (vusna). Zavieršacca ekzamieny 9 červienia, a 12 červienia, nahadajem, u Biełarusi pačynajecca centralizavanaje testavańnie — u hety dzień projdzie vyprabavańnie pa biełaruskaj movie.