Za Cviatoha Jazepa prosiać Papu Rymskaha
Hrupa hramadzkich dy kulturnych dziejačoŭ Biełarusi źviarnułasia ź listom da Papy Benedykta XVI z prośbaju ab dapamozie ŭ zachavańni j viartańni viernikam carkvy Śviatoha Jazepa.
Hrupa hramadzkich dy kulturnych dziejačoŭ Biełarusi — źviarnułasia z adkrytym listom da Papy Rymskaha Benedykta XVI z prośbaju ab dapamozie ŭ zachavańni j viartańni viernikam kaścioła śviatoha Jazepa. U liście, u pryvatnaści, havorycca: «My, biełaruskija chryścijanie — hramadzkija j kulturnyja dziejačy, źviartajemsia da Vas z prośbaju ab malitoŭnaj dapamozie ŭ źbieražeńni ad źniščeńnia ŭ stalicy Biełarusi adzinaha kaścioła z klaštarnym kompleksam XVII stahod́dzia, jaki nie paśpieli źniščyć carskija j savieckija ateistyčnyja ŭłady».
Aŭtary zvarotu adznačajuć, što ŭ Biełarusi ŭ cełym i j Miensku adčuvajecca vialiki niedachop śviatyniaŭ dla viernikaŭ. U Miensku, dzie kala dvuch miljonaŭ žycharoŭ, dziejničaje ŭsiaho čatyry kaścioły.
List padpisany takimi viadomymi asobami, jak Ryhor Baradulin, Alaksiej Maračkin, Jury Chadyka, Aleś Bialacki, Ina Kulej, Viktar Ivaškievič, Siarhiej Chareŭski. Usiaho podpisy pad zvarotam pastavili 19 čałaviek.
U zmahańni za chram udzielničajuć nia tolki katoliki, ale j pravasłaŭnyja, pratestanty, vierniki inšych kanfesij.