U Polščy zatrymanyja 25 hramadzianaŭ Biełarusi
Na 48 hadzinaŭ, da vyśviatleńnia abstavinaŭ, kamu naležali narkotyki, znojdzienyja ŭ aŭtobusie, zatrymanyja ŭdzielniki etna‑falklornaj supołki Biełaruskaha ŭniversytetu kultury, jakija jechali na hastroli ŭ Francyju.
Na 48 hadzinaŭ, da vyśviatleńnia abstavinaŭ, kamu naležali narkotyki, znojdzienyja ŭ aŭtobusie, u jakim čalcy etna‑falklornaj supołki Biełaruskaha ŭniversytetu kultury jechali na hastroli ŭ Francyju, polskija mytnyja słužby zatrymali 25 hramadzianaŭ Biełarusi. Zatrymańnie adbyłosia 20 km ad Poznani, na zachadzie krainy.
Havoryć kiraŭnik delehacyi, dekan fakultetu tradycyjnaj biełaruskaj kultury j sučasnaha mastactva Viačasłaŭ Kałaciej:
— Nas spynili polskija palicejskija, vysadzili z aŭtobusa. Abšukali aŭtobus biaz našaj prysutnaści. I vynieśli z aŭtobusa pakiecik, jak paźniej skazali, z amfetaminam. Jany trymali jaho biez palčatak. Sabaka pry hetym nie brachaŭ. Palicyjanty pačali pytacca, kamu z nas naležyć hety pakiet.
Potym zatrymanych pavieźli ŭ Poznań, kab źniać adbitki palcaŭ. Pavodle vynikaŭ ekspertyzy pavinnaje być pryniataje adpaviednaje rašeńnie. Pradstaŭnik biełaruskaj ambasady ŭ Varšavie vyjechaŭ u Poznań.