Jak zachavać prefierencyi
Chaj, šanoŭny Pavieł Izotavič.
Vam nie strašna?
Dziŭna?
Sieviaryniec i Statkievič umoŭna - daterminova adkinulisia z zony, ryskajuć na svabodzie! I chto znaje: moža pakul Vy zaraz vypraŭlajecie pamyłki ŭ słovie Machmudachmadiniežad, jany ŭžo ŭzialisia za byłoje – zaminajuć ruchu hramadskaha transpartu ( im zdajecca jakraz za heta ŭpajali kryminałku).
Praŭda, kažuć, što amnistyja była patrebnaja jak Žłobinu ladovy pałac – inakš jeŭrapiejcy mohuć adabrać u nas handlovyja prefierencyi.
U takim razie ja jašče bolš nie prasiekaju fiški
Prefierencyi heta tyja samyja ilhoty. Čamu lubimy urad nie vynies urokaŭ z apošnich pratestaŭ za zachavańnie ilhotaŭ. Usio ž prosta - treba praskanavać jakija akcyi hramadzian dasiahnuli pośpiechu i vykarystać ich u baraćbie ź jeŭrapiejskimi skvałyhami.
Absurdna navat ŭjavić, što u svajoj baraćbie amatary chalavy, kštałtu čarnobylskich likvidataraŭ, vykarystoŭvali b mietady biełaruskich uładaŭ. Kštałtu, jašče dva hady tamu, kali źjaviŭsia zakonaprajekt, pačali parušać praviły darožnaha ruchu i zapisvacca na litkursy.
Usio dla taho kab niechta ź ich trapiŭ na chimiju i pačaŭ vieści adtul u niejkaj haziecie epistalarny cykł kštałtu “Listy z Małaha Sitna”. Staŭka zroblena na toje, što vyniku čarhovaj amnistyi fakt vyzvaleńnia hetkaha zeka-litaratara tak urazić deputataŭ Pałatki, što jany zachavajuć vyšej zhadanaj sacyjalnaj katehoryi bonusy.
Nu-nu.
Jak prademanstravała ilhotnaja epapieja, lepš za ŭsie dabivacca zachavańnia ilhotaŭ, naciskajučy na žałaść. Piatkievič, Siemaška i chto jašče tam u nas adkazny za kantakty ź Mižnarodnaja Arhanizacyjaj Pracy (MAP), kančajcie zajmacca bazarami i ciorkami!
Adziny vychad: U Ženievu – centr MAP, treba jechać pad vidam invalidaŭ - kalasačnikaŭ. Jak pakazaŭ biełaruski prykład tolki heta hrupa moža być pačutaja čynoŭnikami. Inšych frandzioraŭ ŭ nas prosta aryštoŭvali i žorstka daminiravali.
Pahadziciesia była b efiektna: Ženieva. Ranica. Pa Blummienštraśsie na pieramovy z MAP kałbasicca biełaruskaja delehacyja ŭ vyhladzie moba invalidaŭ - kalasačnikaŭ: Napieradzie Sidorski, dalej zamministra, pradstaŭnik administracyi, bonzy FPB.
Pakolki rodnyja čynoŭniki uvieś čas dumać pra narod, jany pieryjadyčna adklučajucca z reału. Mazhi pačynajuć tarmazić, a kalaski hublajuć kiravańnie. To Piatkievič najedzie na taksu ź jakoj hulaŭ niejki biurhier, to Siamaška prataranić urnu, to z płakatam “Ubiarycie vysokija bardziury i pastanovu pra admienu prefierencyjaj” zvalicca ŭ Ženieŭskaje voziera Kozik.
Šviejcarskaja publika šakiravanyja biazdušnaściu svaich čynoŭnikam. Tyja kab nie stać achviarami atak presy vybiahajuć nasustrač haściam ź Miensku i niešta miamlać nakštałt: “na vialiki žal my nia možam adrazu prybrać usie vysokija bardziury, tamu abmiažujemsia tolki admienaj pastanovy pra skasavańnie prefierencyjaj. Dobra?”.
Naturalna, sp. Jakubovič bieź miedyja riezanansu takaja akcyja nie fiha nie varta . Tamu chutka rychtujcie śpieckora ŭ Šviejcaryju.
Čakaju Saŭbiełku z repartažam pra našu čarhovuju pieramohu na mižnarodnaj arenie.
Vaš fanatyčny čytač