Uha Čaves admianiŭ ustupnyja ispyty ŭ VNU
— Ustupnyja ispyty ŭ VNU krainy źjaŭlajucca sastarełym metadam, jaki vyklučaje mahčymaść atrymańnia vyšejšaj adukacyi dla moładzi z narodnych mas. U hetaj suviazi ŭstupnyja ispyty admianiajucca.
Prezydent Venesueły Uha Čaves admianiŭ ustupnyja ispyty ŭ vyšejšyja navučalnyja ŭstanovy krainy.
«Ustupnyja ispyty ŭ VNU krainy źjaŭlajucca sastarełym metadam, jaki vyklučaje mahčymaść atrymańnia vyšejšaj adukacyi dla moładzi z narodnych mas», — zajaviŭ u čaćvier Uha Čaves padčas vystupu pierad studentami ŭ Karakasie.
«U hetaj suviazi ŭstupnyja ispyty admianiajucca», — skazaŭ jon.
Aproč hetaha, lider Venesueły vykazaŭsia za admienu ispytaŭ padčas navučańnia va ŭniversytetach krainy.
Čaves taksama paabiacaŭ studentam pavysić stypendyju da 100 dalaraŭ i adkryć ilhotnyja studenckija stałovyja, a taksama abstalavać klasy najnoŭšymi pryborami i vyličalnaj technikaj.
Na zajavy prezydenta Venesueły studenty adkazali burnaj radaściu i zachoplenymi vokličami: «Vo jak treba kiravać krainaj!»
Pavodle asabistaha zahadu Čavesa, jahony vystup tranślavali ŭsie telekanały i radyjostancyi krainy.