Kirylica ŭzbahačaje Eŭraźviaz
Roli kiryličnaha alfabetu ŭ ciapierašnim Eŭraźviazie byŭ pryśviečany vystup Leanarda Orbana, Eŭrapiejskaha Kamisara pa pytańniach šmatmoŭja, 24 traŭnia ŭ Safii (Baŭharyja) na Dni kiryličnaha alfabetu.
Roli kiryličnaha alfabetu ŭ ciapierašnim Eŭraźviazie byŭ pryśviečany vystup Leanarda Orbana, Eŭrapiejskaha Kamisara pa pytańniach šmatmoŭja, 24 traŭnia ŭ Safii (Baŭharyja) na Dni kiryličnaha alfabetu.
«Kali na pačatku hetaha hodu Baŭharyja ŭstupiła ŭ Eŭraźviaz, EZ uzbahaciŭsia nia tolki novaj dziaržavaj‑členam, a i novym alfabetam», — padkreśliŭ Leanard Orban. Kiryličny alfabet maje staražytnuju litaraturnuju i kulturnuju historyju; ciapier ža jon robicca «častkaj siamji Eŭraźviazu».
U svaim vystupie Leanard Orban spyniŭsia na najvažniejšaj roli, jakuju ŭ Eŭraźviazie hrajuć mižkulturny dyjaloh i šmatmoŭje. «Pryncyp adzinstva ŭ raznastajnaści — movaŭ, kulturaŭ, tradycyjaŭ, a taksama alfabetaŭ — jość padmurkam Eŭraźviazu», — adznačyŭ Kamisar. «Kiryličny alfabet i baŭharskaja mova ŭzbahačajuć hetuju kulturnuju raznastajnaść, što robić Eŭraźviaz takim unikalnym», — padkreśliŭ Leanard Orban.
Asablivuju ŭvahu Kamisar nadaŭ vyvučeńniu zamiežnych movaŭ. «Vyvučeńnie zamiežnych movaŭ — heta niešta bolšaje za prosta vyvučeńnie anhielskaj. Važna vyvučać samyja roznyja movy: rehijanalnyja, movy mienšaściaŭ albo movy ŭniversalnaha raspaŭsiudžańnia», — padkreśliŭ jon.
Kamisar nahadaŭ, što nastupny, 2008 hod, stanie Eŭrapiejskim hodam mižkulturnaha dyjalohu. Heta «cudoŭnaja mahčymaść dla taho, kab źviarnuć uvahu na temu vyvučeńnia movaŭ i šmatmoŭja», ‑adznačyŭ pradstaŭnik Eŭrapiejskaj Kamisii.
1 studzienia 2007 hodu, u dzień ustupleńnia Rumynii i Baŭharyi ŭ Eŭraźviaz, novymi členami Kalehii Eŭrapiejskich Kamisaraŭ stali Leanard Orban (Rumynija) i Miehlena Kunieva (Baŭharyja). Leanard Orban zajmajecca pytańniami šmatmoŭja i vyvučeńnia zamiežnych movaŭ.
Na pačatku 2007 hoda kolkaść aficyjnych movaŭ EZ dasiahnuła 23‑ch. Bolšaść ź ich majuć łacinski alfabet, za vyklučeńniem hreckaj (hrecki alfabet) i baŭharskaj (kirylica).