U Žłobinie zabity siabra Partyi BNF
24 traŭnia ŭ Žłobinie na terytoryi składoŭ miascovaha pradpryjemstva “Ahrahandal” znajšli cieła siabra Partyi BNF Arkadzia Liskaŭca. U jaho byŭ mocna pabity tvar i prałamany čerap.
24 traŭnia ŭ Žłobinie na terytoryi składoŭ miascovaha pradpryjemstva «Ahrahandal» znajšli cieła siabra Partyi BNF Arkadzia Liskaŭca. U jaho byŭ mocna pabity tvar i prałamany čerap.
Spadaru Liskaŭcu ŭ studzieni hetaha hodu spoŭniłasia 53 hady. Jon byŭ žanaty, vyhadavaŭ z žonkaju Ludmiłaj dvaich dziaciej, ciešyŭsia z unuka.
Jak specyjalist z universyteckaj adukacyjaj, Arkadź Liskaviec da niadaŭniaha času pracavaŭ u «Ahrahandli» ekanamistam.
Krychu bolš za tydzień tamu dyrekcyja handlovaha pradpryjemstva pieraviała spadara Liskaŭca ŭ vartaŭniki.
Na miesca zdareńnia pryjaždžała žłobinskaja milicyja. Pavodle raspoviedu tavaryšaŭ na słužbie i svajakoŭ aktyvista BNF, śledčy sprabavaŭ schilić usich da dumki, što spadar Liskaviec nibyta ŭpaŭ i zabiŭsia.
Adnak tyja, chto bačyŭ traŭmy, u samazabojstva nia vierać. Schilajucca da taho, što składy, chutčej za ŭsio, naviedali rabaŭniki j Liskaviec staŭ na ichnym šlachu.
Siońnia Arkadzia Liskaŭca pachavali na mohiłkach ŭ Rečycy.