Ideolah Minabarony: Moładź, što brała ŭdzieł u padziejach na Płoščy i «Čarnobylskim šlachu», hatova pradavacca za valutu
«Moładź, jakaja brała ŭdzieł u padziejach na Kastryčnickaj płoščy i «Čarnobylskim šlachu», hatova za valutu pradać radzimu», — zajaviŭ na pres‑kanfierencyi 25 maja ŭ Minsku načalnik adździeła prapahandy ŭpraŭleńnia maralna‑psichałahičnaha zabieśpiačeńnia hałoŭnaha ŭpraŭleńnia ideałahičnaj pracy Ministerstva abarony Biełarusi Uładzimir Ščasny. Pavodle jaho słoŭ, zadača siłavych viedamstvaŭ, jakija ŭ letni pieryjad arhanizujuć spartyŭna‑patryjatyčnyja łahiery, «zaklučajecca ŭ tym, kab, zabraŭšy moładź z vulicy, pierš za ŭsio vychavać patryjota i hramadzianina».
U.Ščasny paviedamiŭ, što letaś pry supracoŭnictvie Ministerstva adukacyi i voinskich čaściej pracavaŭ 61 spartyŭna‑patryjatyčny łahier, jakija naviedali prykładna 3,6 tys. padletkaŭ. Pavodle jaho słoŭ, kolkaść takich łahieraŭ štohod pavialičvajecca.
Hetym letam u Biełarusi budzie pracavać 351 vajenna‑patryjatyčny i abaronna‑spartyŭny łahier.