Maładomu frontu admoŭlena ŭ rehistracyi
Upraŭleńnie justycyi Mienharvykankamu admoviła ŭ dziaržaŭnaj rehistracyi «Maładomu frontu», spasłaŭšysia na nieadpaviednaści ŭ statucie.
Upraŭleńnie justycyi Mienharvykankamu admoviła ŭ dziaržaŭnaj rehistracyi «Maładomu frontu», spasłaŭšysia na nieadpaviednaści ŭ statucie.
Jak paviedamlaje presavaja słužba «Maładoha frontu», Minjust spasłaŭsia na toje, što zhodna sa statutam, padadzienym na rehistracyju, vyšejšym kiraŭničym orhanam ruchu źjaŭlajecca Centralnaja Rada. Tym časam 7 traŭnia adbyvałasia pasiedžańnie ŭstanoŭčaha schodu (jak heta patrabuje zakanadaŭstva), a nie Centralnaj Rady (farmalna jašče nie stvoranaj arhanizacyi).
Maładafrontaŭcy ličać admovu całkam niezakonnaj i ŭ paniadziełak źbirajucca abskardzić rašeńnie.
Rašeńnie ab nierehistracyi ruchu było pryniataje napiaredadni sudovaha pracesu nad aktyvistami «Maładoha frontu», jakich buduć sudzić mienavita za dziejnaść ad imia niezarehistravanaj arhanizacyi. Sudovy praces nad Nastaj Pałažankaj, Barysam Hareckim, Aleham Korbanam, Źmitrom Chviedarukom, a taksama Alaksiejem Janušeŭskim, jaki ciapier znachodzicca ŭ Čechii, raspačniecca ŭ 10.00 u paniadziełak 28 traŭnia.