APYTAŃNIE

---

 APYTAŃNIE

 

Natalla KUHAČ, studentka MDŁU:

Podźvih — heta nia niejkija asobnyja ŭčynki. Nie, heta žyćciovaja vytrymka, upartaść, kali čałaviek robić niešta, majučy asabisty ideał, dziela spaścižeńnia hetaha ideału, dziela ažyćciaŭleńnia mary, mahčyma navat patajemnaj. Pryčym podźvih — heta kali vialikija spravy robiacca biez samaŭchvały, pakaznoha samaachviaravańnia. Čaściakom hetaha nichto nie zaŭvažaje, a kali j zaŭvažaje, dyk nia cenić.

Prykład — naš tajamničy sučaśnik Miron. Nu, a ź niedalokaha minułaha — naš baćka Machno, dzied Tałaš, jakomu za jaho zmahańnie los usio ž niejak adździačyŭ, bo pražyŭ jon, kažuć, bolš za 100 hadoŭ.

 

Vital JOSKAVIČ, student BDU:

Podźvih moža być va ŭsim: u kachańni, na pracy, u zmahańni. Heta akumulacyja žyćciovaj enerhii, vyplesnutaj u niejkim kankretnym učynku, i hety ŭčynak, podźvih, jość esencyjaj čałavieka.

Pa-mojmu, samy śmieły podźvih biełarusaŭ u naš čas — hieraičnaje šturmavańnie «čaŭnakami» biełaruska-polskaj miažy, kali biełarusy dziela vyžyvańnia prajaŭlajuć cudy kiemlivaści ŭ baraćbie z mytnikami. Vidać, adnoj śmiełaści mała dla podźvihu, treba jašče j mazhoj varuchnuć.

 

Volha BAHDANOVIČ, abituryjentka rasiejskaj filalohii BDU:

Dla mianie podźvih — heta samaachviaravańnie dziela niečaha vysokaha, duchoŭnaha ideału. Jon nia moža być zaplanavanym ci raspracavanym. Jon niečakany navat dla samoha čałavieka, jaki raptam robicca hierojem.

Nu, a čamu Marata Kazieja nielha nazvać hierojem? Choć, pa praŭdzie, ja navat dakładna nia viedaju, što jon zrabiŭ, zdajecca, padarvaŭ siabie i niemcaŭ hranataj. Heta ŭžo niešta. Ale tut jašče vielmi važna viedać pieršapryčynu ŭčynku. Dumaju, što nia raz podźviham abviaščalisia dziejańni vypadkovyja, nijak nie źviazanyja sa śmiełaściu dy hieraizmam. Ale brudnaje skarystańnie podźvihu — asobnaja tema.

 

Pavał ŠAPAVAŁAŬ, «prosta prachožy», 22 hady:

Nu, nia viedaju ja, što takoje podźvih. Heta vam treba ŭ jakoha hieroja spytacca. Jość ža hieroi ŭ nas žyvyja: hieroj sacyjalistyčnaj pracy, Savieckaha Sajuzu. Vuń, Brežnieŭ sabie až piać zorak byŭ načaplaŭ. Moža tamu i nia treba stavić słova «podźvih» pobač z «hierojem»? Ciažka skazać.

A samy śmieły podźvih? Kali podźviham možna nazvać čyjości žyćcio, dyk u biełarusaŭ heta Kastuś Kalinoŭski. Podźvih — heta maładość.

 

Siarhiej VASILUK, abituryjent MDŁU:

Podźvih zdolny ździejśnić daloka nia kožny, razmovy pra podźvih naroda — poŭnaja łuchta. Heta sprava Asoby, Čałavieka ź vialikaj litary, jaki svaim učynkam vyryvajecca z masy. Tolki što potym, čaściej za ŭsio paśmiarotna, podźvih taja masa zabiraje sabie, robić ź jaho fišku. Heta samaje prykraje. Z našych sučaśnikaŭ taki Če Hievara.

Podźvihi biełarusaŭ u mianie asacyjujucca ź vialikaj ajčynnaj. Što ni kažycie, a abaroncy Bresckaj krepaści, Marat Kaziej, Hasteła byli sapraŭdnymi hierojami. Jany pieramahli siabie, pieramahli śmierć. Podźvih — heta nieśmiarotnaść.

Apytvaŭ Anatol Prasałovič