Słavamir Adamovič . Vierš

---

 
  Słavamir Adamovič

  ***

Pakul ja pisaŭ pra Alžyr,
vajna pryjšła na Bałkany,
chvost raspuściła viejeram
bombametału ciažarnaha
i, jak prastytutka suśvietnaja,
rakietnym stabilizataram
uzvyła nad Makiedonijaj,
a skončyła dzieści pad Mienskam.
Pasłuchajcie vy, štatnyja,
štackija i vajennyja,
mnie heta nie padabajecca,
nie budzicie ŭva mnie źviera
(pakul jašče śviet trymajecca
na ščyraści i daviery).
Nia voźmiecie krejserskaj chutkaściu,
ni navat adčajem štrafbataŭ
nad našaju Maču-Pikču*
ściah svabodnaj Respubliki.

*Staražytnaja krepaść inkaŭ, pabudavanaja na viaršyni hary.