Paštovaja skrynka

 PAŠTOVAJA SKRYNKA

Volzie Ł. ź Miensku. Niekatoryja kažuć, što słova «intelihiencyja» naradziłasia nie ŭ rasiejskaj movie, a ŭ polskaj. Nacyjanalnaja samatojesnaść (identyčnaść) moža hruntavacca i na budučyni, a nia tolki na minułym — na imknieńni da budučyni.

Kali sapraŭdy pierakładčyca pierakładała «le cafard est partout» jak «tarakan biehajet povsiudu», napišycie pra heta taksama ŭ słužbu kultury francuskaj ambasady, bo ŭsio ładziać jany. Heta dobraja nahoda, kab paprasić ich pierakładać filmy na biełaruskuju movu, a nie na rasiejskuju. Krytykavać nia bojciesia, na hetym śviet staić.

Alosu ź Bieraścia. Ad «Koka-koły» jašče nichto nie pamiraŭ, chacia j smaku ŭ joj vialikaha, musić, niama. Navuku budziem drukavać.

Ramanu R. ź Sievastopalu. Duža radyja, što aśviacili Vy ikonu Jeŭfrasińni, što nad Vašym stendam pad čas hulańniaŭ raźviavaŭsia bieł-čyrvana-bieły ściah, što trymali Vy «Pahoniu» i Maksima — heta rečy prostyja, ale śviatyja. Pra Alaksandra Kazarskaha napišycie nam bolej. Dobra, što na Vašu prapanovu ŭ pamiać pra jaho Dubroŭnie flot padoryć jakar. Za heta dziakuj i admirału. Kapitan pieršaha ranhu Valery K. chaj dašle nam svaje vieršy. Ale nie zabyvajciesia inšy raz źjeździć da Maksima mahiłu pačyścić.