Paštovaja skrynka
№ 15 (136) 1999 h.
PAŠTOVAJA SKRYNKA
Andreju B. z Kijeva. Škada, što začynili biełaruska-ŭkrainskuju prahramu ŭ Fondzie «Vidrodžieńnia». Što časopis «Sučaśnisť» padrychtavaŭ biełaruski numar — dobraja navina, ale dzie šukać na jaho hrošy, my nia viedajem. U Biełarusi naŭrad ci što znojdziecie. Chiba ŭ Polščy, choć heta j paradaksalna.
Sieržuku Š. ź Miensku. Pamyłki pieraličajcie, a nia prosta pišycie, što ich šmat. Teksty možacie taksama prynosić u nabranym vyhladzie abo pierasyłać E-mail-am, kab nam nie pieranabirać.
U hazety jość pryncypy. Takoha imia my nia znajem. Kali ŭsie buduć pisać, jak chočuć, vyjdzie kalanijalny zaapark.
Iosifu Z. z Varapajeva. Parady Tyzenhaŭza cikavyja, ale ž nam treba, kab na biełaruskaj movie było. 6 mašynapisnych staronak — heta naša hazetnaja staronka. Vy nam šlecie tekst u 12 staronak — u nas niama miesca, kab takoje vialikaje nadrukavać.
Andreju Zacharanku ź Miensku i Alesiu Čobatu z Horadni. Prosim źviarnucca ŭ redakcyju pa hanarar.
Uładzimieru Aniśkieviču z Baranavičaŭ. Zabiarycie svoj pryz za konkurs «Piva za Biełaruś» u redakcyi abo dašlicie svoj dakładny adras.