Siarhiej Jorš. Pamior biełaruski padpolščyk

Pamior biełaruski padpolščyk

U žniŭni ŭ Horadni pamior Uładzimier Kisiel, siabra padpolnaha Sajuzu Zmahańnia za Niezaležnaść Biełarusi (1946—49).

Jon naradziŭsia ŭ 1922 hodzie ŭ Klecku. Pad čas niamieckaj akupacyi vučyŭsia ŭ Niaśviskaj nastaŭnickaj seminaryi, dzie ź siabrami stvaryŭ padpolny «Sajuz biełaruskich patryjotaŭ». Letam 1944 h. zastaŭsia ŭ Biełarusi, nastaŭničaŭ. U 1946 hodzie Kisiel (pseŭdanim «Rasa») udzielničaŭ u nielehalnym arhanizacyjnym schodzie «Sajuzu Zmahańnia za Niezaležnaść Biełarusi» (SZNB), kantaktavaŭ z kamandziram biełaruskaha partyzanskaha atradu Ivanam Ramančukom («Jastrab», kiraŭnik SZNB). Arhanizacyja dziejničała ŭ Zachodniaj Biełarusi, źbirajučy patryjatyčnyja siły, jakija ŭ vypadku vajny pavinny byli vystupić u abaronu biełaruskaha narodu i niezaležnaści Baćkaŭščyny. Atrad Ramančuka vajavaŭ z balšavikami na vialikim abšary kala Niaśvižu, Stoŭpcaŭ, Klecku.

Na pačatku 1949 hodu prajšli aryšty siabroŭ SZNB. 25 lutaha 1949 h. byŭ aryštavany ŭ Horadni Ŭł.Kisiel. Jaho balšaviki asudzili na 25 hadoŭ kanclahieraŭ. Tolki ŭ 1960-ym Uładzimiera Kisiala vyzvalili, i jon viarnuŭsia ŭ Biełaruś.

Dziakujučy kanśpiracyi, častka struktur SZNB nie była raskrytaja. Tolki ŭ sakaviku 1998 hodu Ŭł.Kisiel upieršyniu napisaŭ pra arhanizacyju ŭ haradzienskaj «Pahoni». Jon čakaŭ, što pryjdzie čas, kali možna budzie nazvać imiony ŭsich udzielnikaŭ «Sajuzu Zmahańnia za Niezaležnaść Biełarusi». Na žal, nie dačakaŭsia… Śvietłaja pamiać!

Siarhiej Jorš