Paštovaja skrynka
№ 33 (154), 6 — 13 śniežnia 1999 h.
Paštovaja skrynka
Maksu K. ź Miensku. Takija tvory, jak Vašy, nie ŭdajucca nie tamu, što ŭ Vas jość prablemy z technikaj piśma. I jakoj parady Vy ad nas čakajecie? Prosta mabyć niama adpaviednaj biełaruskaj rečaisnaści. Bolš: stvareńnie biełaruskaj litaratury siońnia — heta najpierš stvareńnie biełaruskaj rečaisnaści. Kali budzie realnaść — palityka, mastackaje žyćcio, urbanizm — buduć i tvory.
Irynie Dz. z Žłobina. A Vy nie hladzicie rasiejskaje TV. Lepš hod siadzieć na chlebie j čai i sabrać hrošaj na spadarožnikavuju antenu, čym ich hladzieć.
Alenie Ja. Kožny pierakład musić być niečym matyvavany. Peŭnyja tvory matyvujuć siabie sami — aryhinalnymi dumkami abo siužetam, ci, skažam, tym, što pastaŭlenyja da jubileju aŭtara. A kab matyvavać publikacyju Vašaha pierakładu Hiese, spatrebiŭsia b «supravadžalny» tvor, jaki b uvodziŭ Hiesavy dumki ŭ kantekst našaha času, našaj sytuacyi, našaj hazety.